អ្នកនេសាទមិនអាចប្រើសំណាញ់ចាប់ត្រីបែបប្រពៃណីទៀតទេ
ការចាប់ត្រីដោយប្រើសំណាញ់បែបសាមញ្ញ បានកើតមានជាច្រើនជំនាន់ចំពោះការនេសាទនៅតាមបណ្តោយទន្លេ ហើយវាក៍ជារឿងធម្មតាផងដែរក្នុងចំណោមក្រុមគ្រួសារវៀតណាមនិងខ្មែរអ៊ីស្លាម ដែលផ្គត់ផ្គង់ជីវភាពរបស់ពួកគេតាមរយៈមធ្យោបាយនេះ។ … សព្វថ្ងៃ អាជីពនេះហាក់បីដូចជាត្រូវបានបោះបង់ចោលជាបន្តបន្ទាប់ ដោយហេតុថាបរិមាណត្រីនៅក្នុងទន្លេត្រូវបានថយចុះពីមួយឆ្នាំទៅមួយឆ្នាំ។ រេះ រ៉ុន ជាអ្នកនេសាទអ៊ីស្លាមដែលរស់នៅភូមិជ្រោយចង្វារនៃរាជធានីភ្នំពេញ បានមានប្រសាសន៍ថាលោកមិនអាចចាប់ត្រីបានទៀតទេតាមរយៈការប្រើប្រាស់ឧបករណ៍សំណាញ់ ហើយលោកក៏បានបន្ថែមទៀតថាមានតែត្រីតូចៗប៉ុណ្ណោះដែលចាប់បានបើប្រៀបធៀបទៅនឹងរយៈពេលមុនៗ។ លោកបាននិយាយផងដែរថាដោយសារតែការខ្វះខាតត្រីសព្វថ្ងៃ អ្នកនេសាទយើងត្រឡប់ទៅប្រើឧបករណ៍ឬវិធីសាស្ត្រផ្សេងៗទៀតសម្រាប់ការនេសាទ ដូចជាសំណាញ់មូសនិងឧបករណ៍ដទៃទៀត ដែលឧបករណ៍ទាំងនោះជាឧបករណ៍នេសាទខុសច្បាប់។ លោកបាននិយាយផងដែរថាទោះជាយ៉ាងណាក៍ដោយ លោកនិងគ្នីគ្នាព្យាយាមជៀសវាងការប្រើឧបករណ៍ទាំងនេះ។
បុគ្គលិកសារព័ត៌មាន The Cambodia Herald
http://thecambodiaherald.com/cambodia/detail/1?page=13&token=MDkxZjUwYWYzZTg
